2021-жылдын 25-июнунда Кесиптик Жогорку Мектебинин Экономика жана Башкаруу бөлүмундө бөлүм башчысы Гүлнара Карадеңиз тарабынан жаңы окуу планын талкуулоо, өзгөртүүлөрду киргизүү, ж.б. маселелери каралды. Ар бир программа башчылары өздөрүнүн ойлору менен бөлүшту. Ошондой эле, 2021-2022 окуу жылынын күзгү семестринде формалдуу билим берүүгө өткөн учурда теориялык курстардын кеминде 30% жана алардын эң көп дегенде 40%ын аралыктан билим берүү менен жүзөгө ашырууну пландаштыруу иштери макулдашылды.

2021-жылдын 25-майында Кесиптик жогорку мектебибиздин Туризм программасынын бүтүрүүчү курстары үчүн мамлекеттик сынак болуп өттү. Мамлекеттик сынакка 26 студент катышып сынакты ийгиликтүү тапшырышты. Соңунда мамлекттик сынактын төрайымы Махабат Көчөрова тарабынан жыйынтыктар айтылып, агай-эжейлердин каалоо-тилектери менен онлайн түрдө өткөрүлгөн малекеттик сынак аягына чыкты.

2021-жылдын 24-майында Чет тилдер жогорку мектеби тарабынан уюштурулган программа боюнча Кесиптик жогорку мектебибиздин Даярдоо курсунда окуган студенттерибиз менен онлайн жолугушуу болуп өттү. Программанын модератору кыргыз тили координаторунан Аскатбек Мамадиев болду.

2021-жылдын 30-апрелинде Демир банктын башкы мүдүрү Шевки Сарылар тарабынан “Банк системасы (Кыргызстандын мисалында)” аттуу кызыктуу онлайн семинар өткөрүлдү. Семинарда банктардын системасы, банк иштери боюнча кызыктуу маалыматтар берилди жана студенттер да өздөрүнүн кызыккан суроолорун берип жооп ала алышты.Семинардын соңунда окуу жайыбыздын мүдурү доц. м.а. Махмут Вурал агайыбыз башкы мудур Шевки Сарылар мырзага ыраазычылык баракчасын ыйгаруу менен семинарыбыз аяктады.