И. Раззаков атындагы Кыргыз мамлекеттик техникалык университетинде колледждер арасында автоунааларды тейлөө жана оңдоо багыты боюнча уюштурулган теориялык жана практикалык билим  таймашында окуу жайыбыздын автоунааларды тейлөө жана оңдоо программасынын студенттери башка окуу жайлардын студенттеринен абдан чоң айырмачылык менен озунуп биринчиликке ээ болушту.

Бул уюштурулган конкурска кесиптик жогорку мектебибиздин студенттерин колдоо максатында окуу жайыбыздын мүдүрү Др. Махмут Вурал жана автоунааларды тейлөө жана оңдоо программасынын кординатору ага окутуучу Мехмет Рүштү Чифтчи менен ага окутуучу Улукбек Калназаровдор шайланып катышып келишти.

Мүдурүбүз 2019-жылдын 27-апрелинде болуп өткөн иш-чарада сүйлөгөн кыскача сөзүндө; кесиптик жогорку мектебибизде  бир гана теориялык билим менен чектелбестен ошол эле учурда жеке ишканалардын керектөөлөрүнө жооп бере турган ар кандай тармакта квалификациялуу адистерди жетиштрүүнү уланта тургандыгын жана күн сайын өтө тездик менен өнүгүп жаткан рынок талаптарына да абдан жакшы жооп берүүнү улантаарын айтып берди.

 

 

 

Окуу жайыбыздын туризм программасынын ага окутуучусу Мадина Өзтүрк тарабынан “Туристерди коштоп жүрүүнү уюштуруу жана анын технологиялары” аттту практикалык сабактын негизинде 2019-жылдын 13-апрелинде туризм программасынын 1-курстары Токмок шаарынын четинде жайгашкан Бурана мунарасына экскурсияга барып келишти.

Экскурсиянын жүрүшүндө студенттер туристерге гид кызматын кандай жүргүзөөрүн тереңирээк өздөштүрө алышты. Экскурсиянын  максаты студенттердин теориялык алган билимин экскурсия учурунда практикалык сабак менен айкалыштыруу болду.

JSN Mico is designed by JoomlaShine.com