2019-жылдын 24-апрелинде КТМУ кесиптик жогорку мектебинде “Карьера күнү” иш-чарасы өткөрүлдү.

Иш-чарага университетибиздин ректору проф.др. Себахаттин Балжы агайыбыз, ректордун жардамчысы проф.др. Хусейин Өгүт агайыбыз, кесиптик жогорку мектебибиздин мудүрү др. Махмут Вурал жана Түрк аба жолдорунун Кыргызстандагы өкүлү Өзгүр Суучак менен Шератон отелинин башкы мүдурү Саваш Түркай баш болгон Кыргызстандагы иштеп жаткан жыйырмага жакын фирманын башкы жетекчилери, кызматкерлерибиз жана студенттерибиз катышышты.

Урматтуу ректорубуздун сөзүндө; бүгүнкү өтө тездик менен өзгөрүп жана өнүгүп жаткан рынок экономикасында квалификациялуу/жөндөмдүү кызматкерлердин абдан керек болгондугун ачыктап ошону менен бирге кесиптик жогорку мектептин бул максатта эң башкы мекеме экендигин баса белгиледи.

Кесиптик окуу жайыбыздын мүдүрү болсо иш-чарага катышкан жана салым кошкондордун ар бирине ыраазчылыгын билдирип, окуу жайыбыз тууралуу презентация сунду. Кээ бир ишкана өкүлдөрү өз сөздөрүн сүйлөп жана презентацияларын көрсөтүп беришти. о.э. иш берүүчүлөр менен студенттердин жолугушуусу даам сызуу менен улантылды.

JSN Mico is designed by JoomlaShine.com